Lungleiah Saikuti Hall Managing Committee an ṭhu khawm
Vawiin khan Saikuti Hall Managing Committee chu an Chairman, Lunglei District Bawrhsap Pi Navneet Mann hovin a office chamber-ah an ṭhu khawm a. Lunglei Municipal Council (LMC) kuta Saikuti Hall hlan chhawnna tur ruahmanna, terms & conditions an thlir ho.
Chairman Pi Navneet Mann chuan LMC kuta Saikuti Hall hlan chhawn tur kaihhnawihah Managing Board Chairman, Mizoram Sawrkara Rural Development Department Secretary hnen aṭangin terms & conditions lo duang tura hriattirna hmuh a nih thu leh chumi bawhzui chuan draft duan a nih thu a sawi a.
Terms & conditions draft chu thlir ho niin, siam ṭhat ngai laite siam ṭhat a ni a. Remchang hmasaah uluk zawka la thlir ho leh turin dah a ni.
