Kolasibah training on se*xual harassment of women at workplace neih a ni
Vawiin chawhma khan Kolasib I&PR Conference Hall-ah hnathawhna hmuna Hmeichhiate chunga hleihlenna leh mipat hmeichhiatna rawngkaia infiamna thleng thei laka inven dan tur (Prevention Of Sexual Harassment Of Women At Workplace) chungchangah Kolasiba Head of Office-te leh ICC (Internal Complaint Committee) te’n zirhona an nei a. He hun hi Kolasib Deputy Commissioner Pu Robert C. Lalhmangaiha chuan khuallian niin a hmanpui.
He Training Pu Vanlalzapa, District Programme Officer, Women and Child Devolopment kaihhruai ah hian khuallian Kolasib DC Pu Robert C. Lalhmangaiha chuan thusawina hun neiin, India Sawrkarin Hmeichhia a humhalh dante, hnathawhna hmunah leh eizawnna hmun thlengin Dan hial a siam thu te, hetiang a nih avang hian Kolasib District chhungah ngeipawh ICC din leh siam a nih thute a sawi lang a. Khawtlang nun hona ah Mizo mipa leh hmeichhiate chu innel viau thin mah ila, hna kan thawhna Office-ah erawh chuan dan ngai pawimawh a, fimkhur a pawimawi ziate a sawi lang bawk a ni. Kolasib DC vawiin a Training neih tak chu a pawimawh hle a ni tiin Head of Offices an kal kim lo chu pawi a tih thu leh hun remchang dangah he Training hi neih dan zawn leh nise a ti bawk a ni. .
Kolasib DC chuan he hunah hian Chhungkaw pawimawhna chungchang pawh sawiin, ram leh hnam min ti chhetu sualna kan buaipui tam tak chu Chhungkua aia thil dang kan ngaih pawimawhna atanga a in tan thu a sawi a. Zonun-zemawi leh nun dan tha tam tak chu Chhungkaw inzirtirna atanga in tan a nih thu sawiin Chhungkaw hlutna he hunah hian a tarlang bawk a ni. Vawiin Training- ah hian Pu Zonunmawia, Mizoram Judicial Service (MJS) – Judicial Magistrate, Kolasib chuan zirtirna hun a hmang a, Sexual Harassment chungchang zawhna leh chhanna hunh man nghal a ni bawk a ni.
