Fisheries department in mi 240 tan paddy cum fish culture tanpuina sem
District Fisheries Development Office, Champhai chuan PMMSY hnuaia Paddy Cum Fish Culture (Sangha leh buh khawi pawlh) tanpuina September ni 8 leh ni 9, 2025 khan Champhai District I&PR Auditorium, CHANEM Building-ah leilet nei mi 240 hnenah an sem a ni.
He hunah hian DFDO Pi Lalremsangpuii chuan PMMSY hnuaiah tanpuina mi 240 hnena sem a ni chu lawmawm a tih thu a sawi a, Champhai sangha leh buh chin pawl chu uar zel turin a chah. Sangha hi hetiang anga khawi pawlh a nih avang hian a tui bik hle a, sangha khawitu te’n sawkar atanga tanpuina an dawnte tangkai taka hmanga sangha tam zawk thar chhuaka, Champhai mai ni lo District danga hralh chhuak thei tur khawpa tan la sauh sauh turin a chah. Paddy cum Fish Culture tanpuina sum sem zawng zawng hi cheng nuai sawmnga pakhat (₹51 lakh) a ni.
PMMSY (2023-2024) a thawh khatna hi September ni 8, 2025 khan additional atan leilet hactare 0.5 nei mi 100 thlanchhuahte hnenah cheng 30000 theuh sem niin a thawh hnihna hi September ni 9, 2025 PMMSY (2023-2024) leilet hactare 0.25 nei mi 100 tan cheng 15000 tanpuina sem lehin hemi rual hian PMMSY(2024-2025) atan mi 40 hnenah cheng 15000 theuh an sem leh a ni.
