Khawzawlah pm-kisan utsav diwas hman a ni
Vawiin khan KVK leh DAO Khawzawl tangkawpin KVK Training hall-ah PM KISAN UTSAV DIWAS hun hman a ni a. He hun hi Dr. Malsawmkimi Senior Scientist & Head KVK Khawzawl chuan kaihruaiin, Pi Lalhmangaihzuali, DAO staff Khawzawl chuan PM Kisan chungchang kalkhawmte hnenah sawizauna hun a hmang a ni.
Pi R. Vanlalduati, SMS (Soil Science) chuan kalkhawmte hnenah leilung him zawk leh hrisel zawk kan neih nan Leitha inbuk tawka hman a pawimawh zia sawiin, Pu Rambuatsaiha SMS (Agronomy) chuan tunlaia sawrkar laipuiin kuthnathawktute hnena Awareness campaign a neih mek ram leilung, buh leh bal kan chinna hmun te uluk leh him zawka kan enkawl theih dan tur chungchang kalkhawmte hnenah a sawi bawk a ni.
Vawiina kalkhawmte hi PM Kisan hnuaia inziak lut te an ni a. PM Kisan Samman Nidhi 23rd Instalment, Prime Minister Pu Narendra Modi-in 99.44 crore farmer-te hnena Rs. 1,880 crore a sem chu Live Telecast hmangin an thlir ho bawk.
