Home Minister-i’n Exhibition on New Criminal Laws tlawh
Ministry of Home Affairs duhdan anga Dan thar chi hrang hrang – BNSS, BNS, BSA chungchanga mipuite hriattur pawimawh tarchhuahna ‘Exhibition on New Criminal Laws’, Winter Festival, Lammual a neih mek chu tukin khan Home Minister Pu K.Sapdanga’n a tlawh.
He Exhibition hi Mizoram Police leh Mizoram State Legal Service Authority tangkawp buaitsaih niin, hemi hma hian Hnahsin Kut, Champhai leh Leitlangpui Music Festival, Lunglei ah te, Mizoram Police, District SP leh District Legal Service Authority te hmalakna in hlawhtling taka neih a lo ni tawh bawk. Exhibition ah hian dan thar chungchanga hriattur pawimawh hrang hrang, zero FIR, e-FIR, victim chanvo, hremna thar awm te leh a dangte tarlan a ni, dan thar chungchanga mipuite hriat tur pawimawh lakkhawm pamphlet leh lehkhabua siam te a thlawn a sem a ni. Home Minister chuan dan thar chungchang hriattur pawimawh te a tam thei ang ber mipuite hriattir tura hma la zel turin a chah a. Dan chungchang hriat duh neite tan Free Legal Aid Clinic buatsaih a ni bawk.
Home Minister hi Pu Vanlalmawia IAS, Home Secretary, Pu Ramthlengliana IPS, IGP (Hqtrs), Pu C. Lalzahngoa IPS DIG (Trg), Pu Zosangliana IPS, SP Aizawl, Home Department official pawimawhte leh Mizoram Police official pawimawh ten an tawiawm a ni. He Exhibition hi tlawh theuh turin Mizoram Police chuan mipuite a sawm a ni.
