Hmarchhak biala Cancer hluar zel venna turin Manipal Hospital mithiamte chuan invenna tur leh enkawl dan hrang hrang an sawi
Hmarchhak state hrang hrang atanga cancer vei an pun zel avangin India rama damlo enkawltu ber pawl – Manipal Hospitals Group unit pakhat Manipal Hospital, EM Bypass, Kolkata chuan Aizawl-ah cancer hluar zel venna leh enkawl kawnga thil pawimawh hrang hrang an sawi. Sawihonaah hian oncology lama mithiam lar tak tak — Dr. Sourav Datta, Director, Manipal Oncology Services & Senior Consultant, Head & Neck Cancer Surgery; Dr. Arunava Roy, Senior Consultant, Gynae Oncology & Head, Hmeichhia Oncology Services, Advanced Robotic leh Laparoscopic Surgeon te chuan an hmalakna hrang hrang an tarlang a;hmarchhak biala cancer awm dan, a hlauhawmna leh enkawlna lama hmasawnna te an sawiho a ni. He hmalakna hi ‘Anvesshana – Medical Education for Media’ hnuaiah neih a ni a, hei hi Manipal Hospital-in programme a hman thinah journalist-te nen inkawmin mipuiten hriselna tha an neih theih nana an hnathawh tarlanna a ni. He session hi medical expert leh media professional-te tan cancer laka invenna leh enkawlna chungchanga awareness thehdarh kawngah thawhhona a ni.
He session-ah hian Mizoram atanga cancer damchhuak mi sawm vel, heng oncologist-te hnuaia Manipal Hospital Kolkata-a enkawl hlawhtling tawhte an tel a ni. An huaisenna leh dam lehna chanchin hian mipui rilru a hneh hle a, cancer hi a hun taka enkawl a nih chuan hneh theih a ni tih an ti lang a ni. Session neih chhung hian hlawhtling taka enkawl zinga pakhat, PC Lalsawmliana, kum 47 mi, high school zirtirtu chuan “Nikum khan ka leiah lump ka hmuh hmasak ber ṭum khan cancer a ni ang tih ka ngaihtuah ngai lo, vawi tam tak ka in entir bakah thla tam tak chhung natna ka neih hnuah a tawpah chuan Manipal Hospital EM Bypass ka pan a, a hlawhtlinna ka hmu ta a ni a ti a, Dr. Saurav Datata leh a team chuan December 2024-a hlawhtling taka min zai bakah ka lei 90% vel zet chu a la chhuak a, a tirah chuan ṭawng thei tawhlo turah ka inngai hman a mahse vawiinah chuan, a hma ang chiah khan ka sawi thei lo mai thei, ka lawm hle a, ka chak zawk bawk niin ka hria a ni a ti a, dam taka a chhuah avangin Dr. Datta leh damdawi in team zawng zawng chungah lawmthu a sawi a ni.
Hlawhtling taka enkawl zinga mi, Vanlalpari, kum 57 chuan tun hnaia a thil tawn sawiin, “Ka cancer zinkawng hi kum 2023 atang khan a intan a, ka nunah indona harsa ber pawl a ni a, thla tam tak chhung enkawl leh rinhlelhna ka neih hnuah Manipal Hospital, Kolkata-ah refer ka ni a, hetah hian Dr. Arunava Roy on enkawlna hnuaiah operation hlawhtling tak ka nei a. A lainatna, a thiamna leh a team rintlak tak takte thlawpna avangin damna ka chang thei a ni. Vawiin hian nun nuam takin ka awm theih phah a, ka report-te pawh a chiang a, a hmaa ka hlimna ka neih let theih phah a ni. Dr. Sourav Datta chuan, “A bik takin hmarchhak lam atanga lo kal damlote zingah hmui, lu leh pum lama cancer vei an pung nasa hle tih kan hmu a, zuk leh hmuam, meizuk leh zuk leh hmuam chi hrang hrang tih nasat lutuk hi a chhan lian ber a ni. Ram pum huapin cancer zawng zawng zinga 30% vel chu zuk leh hmuam nena inzawm a ni a, hmui leh lu lam cancer hi a hluar hle a ni. Tun hnaiah thyroid leh parotid cancer pawh a pung nasa hle tih kan hmu a, hemi enkawl kawngah hian theihtawpa tan lak zual a ngai a ni.
