Fisheries minister-in national fisheries development board (nfdb) governing body meeting vawi 12-na hmanpui
Vawiin khan Pu Lalthansanga, Minister, Fisheries Department chuan National Fisheries Development Board (NFDB) Governing Body meeting vawi 12-na chu Novotel Hotel, Hyderabad-ah a hmanpui a. He meeting hi Pu Rajiv Ranjan Singh, Union Minster, Fisheries & Animal Husbandry chuan a kaihruai a ni.
He meeting-ah hian Minister Pu Lalthansanga chuan Mizoram chu sangha-a kan intodelh theihna tura hma laksak turin Union Minister hi ngenin, Integrated Aquapark project thehluh tawhte pawh a ranglama min pawm sak turin a ngen a. Lengpui-a Fisheries Department rama training centre sak mek pawh tangkai zawka hman a nih theih nan NFDB leh ICAR-te thawhpui turin a sawm bawk a ni.
Union Minister Pu Rajiv Ranjan Singh-a chuan Mizoram harsatnate chu a hriatpui thu leh remchang hmasa berah heng harsatnate sutkian dan tur leh hmalak zel dan tur sawiho turin Aizawl-ah meeting neih a nih tur thu a sawi a ni.Minister hi Er. Lalrothanga, Secretary, Fisheries Department, Minister PS leh Department official-ten an tawiawm a ni.
