DM&R Minister Pro.Lalnilawma’n Chhiattawk Chhungkaw 35 te hnenah MFM kaltlanga Chawmdawlna hlan
Vawiin chawhnu khan Bawngkawn Hmar veng KPP Hall-ah Khuarel chhiatna avanga harsatna tawk chhawngkaw 35 te hnenah HT Parekh Foundation Mumbai in chawmdawlna Mission Foundation Movement(MFM) kaltlanga a rawn pek chu sem a ni a. He hun hi DM&R Minister Prof Lalnilawma chuan a hmanpui.Prof. Lalnilawma chuan khuarel chhiatna lo thleng te hi kan ven theih loh thil avanga lo thleng te a awm thin bawk a. Hetiang hunah hian Sawrkar chu mipui tan theihtawp chhuah thin mahse, a tih theih chin te a awm avangin chit tawkte intuam hlawm kawngah khawtlang hruaitute bengvarna, tlawmngai pawl te tlawmngaihna leh Mizo khawtlang nuna in tanpui tawn kan nihna te hi kan vanneih pui thin a ni a ti. MFM chungchang sawiin Mizo thalai tam tak te tan thiamna peiin eizawnna an siam sak bakah khawtlang rawngbawlna kawngah an bengvar nia a hriat thu sawiin sawrkar thlawptu pawl pawimawh tak an ni tiin lawmthu a sawi bawk a ni.D&MR Minister a nihna angin chiatrupna a lo thlenah khawtlang hruaitute leh tlawmngai pawl te an hlut zia a hmuh chian thu a sawi a. MFM ang mi rem hria leh mipui tana luanchhuah duh ang pawl te hi sawrkar tha ti chak tu an ni a ti.
Vawiina chawmdawlna semchhuah takah hian chhungkaw panga chuan Tuizem pakhat theuh an dawng a, chhungkaw 30 ten Buhfai leh Alu bag an dawng thung a. MFM hian HT Parekh Foundation Mumbai, CSR kaltlang a fund hmuh hmangin he project hi an kalpui a, kar hmasa zirhtawpni khan (25th July) khan vaivakawn vengchhunga chhungkaw 35 hnenah tanpuina an lo sem tawh bawk a ni.
MFM kaltlanga CSR chhawmdawlna program tawi hi Pu R.Valalzauva, Director, MFM chuan a kaihruai a. Report, Pu Ramchuanzela, Executive Director, MFM in a pet hung a. Report a tarlan dan chuan MFM hian Mizoramah khuarel chhiatna a thlen nasat avangin company lian deuhah te sawrkar tha ti chak turin tanpuina dap a rel a. He an hmalaknaah hian DM&R Minister Prof Lalnilawma pawh an pun a, DM&R Minister chuan lo phurpuiin lehkha te ziah sakin theihtawp a lo chhuah pui a. Company tam tak an dawr hnuiin HT Parekh Foundation Mumbai nen an in dawr fuh tih tarlan a ni a. HT Parekh Foundation hi tanpui ngai te tana luang chhuak tura ICICI leh HDFC Bank te lo dintu zinga mi pawimawh tak Pu HT Parekh hming chawia din niin Mumbai-ah Office an nei a ni.
