COVID-19 hri kai pakhat enkawl mek a ni
Kumin January ni 1 atanga October ni 2 thleng khan Mizoramah Covid-19 hri kai mi 155 hmuhchhuah a ni a, tunah hian hri kai mi 1 enkawl mek a awm.
Health department hnuai a Integrated Disease Surveillance Programme (IDSP) a thawkte sawi danin Kumin January atanga October ni 2 inkar chhung khan Covid-19 hri kai inringhlel mi 1,183 sample endik a ni a, an zinga mi 155-te chuan he hri hi an kai tih hmuhchhuah a ni. Tun October thla ni 4 kal ta chhung khan Covid-19 hri kai inringhlel mi 6 endik an ni a, hri kai hmuh a ni lo chungin Thla hlui October ni 30 a mi 23 sample endik zingah hri kai pakhat hmuhchhuah a ni a, ani hi enkawl mek a ni. September thla chhung khan Covid-19 hri kai inringhlel sample 173 endik zinga mi 17 chuan an kai tih hmuhchhuah a ni.
Kum 2020 March thla a Mizoramah Covid-19 hri leng thei dinhmun a a ding ni a hriat a nih atanga tun thleng hian hri kai rinhlelh mi nuai 19, sing 9, sang 9 leh 440 sample endik tawh a ni a, an zinga mi nuai 2, sing 3, sang 9 leh 830 te chuan hri an kai tih hmuhchhuah a ni a. Hri kai zinga mi 734-in an thihpui tawh a, kum 2024 atang kha chuan Mizoramah Covid-19 vanga nunna chan an awm tawh lo a ni.
