Champhai District-ah Mizoram District Transformation Programme hnuaia hmalakna Project Sunsilk hawn a ni
Vawiin khan Mizoram District Transformation Programme hnuaia Champhai District hmalakna pakhatna Project Sunsilk hawnna hun chu Circuit House Conference Hall, Champhaiah neih a ni a. He hun hi Champhai Bawrhsap Pu Mohammad Aaquib chuan khuallian niin a hmanpui a ni.
Project Sunsilk hi Mizoram sawrkar flagship Programme Bana kaih hnuaia peng pawimawh tak – Mizoram District Transformation Programme hnuaia Champhai District hmalakna pakhat a ni a.
He hmalakna hnuaiah hian Sericulture Department hnuaia khaw panga – Ngur, Hmunhmeltha, Dilkawn, Khawbung leh Zokhawthara pangang khawitu ten an buhchium dah thatna tur Deep Freezer panga pek chhuah a ni a; Ngur khuaa Ngausih Zaua pangang khawitu te harsatna sukiang turin ni zung chakna (solar) hmun thumah bun sak an ni bawk.
