Best federation award dawng
Mizoram State Rural Livelihoods Mission (MzSRLM), Rural Development and Administration Department hnuaia Vantawng Cluster Level Federation (CLF), Thenzawl, Serchhip District ami te chuan India ram puma Federation tha thlanna Ministry of Rural Development (MoRD) in a buatsaih, Atmanirbhar Sangathan Award, 2024-ah Federation tha lawmman pakhatna an dawng.
He Award dawng tur hian India ram a Cluster Level Federation 33,736 te chu endik niin, phase 4 ah then an ni a, Vantawng CLF te hian North East Region atangin pakhatna hi an dawng a ni. Award hi CLF ten an hnuaia SHG member thingtlanga chengte tana hna an thawh that avanga pek an ni a. Endikna atan hian CLF ten Community Funds an hman tangkai dante, SHG memberte eizawnna atana hma an lak dante, an pawl inrelbawlna felfai dante, line department te nen a convergence an neih dan te, Covid hun laia chhawmdawlna hna (relief work( an kalpui dan leh a dangte hman a ni.
He Award hian sum fai cheng nuai 3 a keng tel a. Award hi New Delhi-ah Independence Day hman pah in Union RD Minister in CLF Hruaitute kutah a hlan dawn a ni. Hetih lai hian November ni 22, 2024 khan MzSRLM hnuaia Tuikum Cluster Level Federation, Chhingchhip,Serchhip District te chuan ‘Best SHG Federation Award Ceremony, 2024’ chu Hyderabad ah an lo dawng tawh bawk a ni.
