Apex Bank Leh CSC e-Governance Services India Ltd. ten MoU ziak
Mizoram Cooperative Apex Bank Ltd. leh Common Service Centre (CSC) e-Governance Services India Ltd. te chuan vawiin khan thawhhona thuthlung an ziak. Apex Bank aiawhin Pu A. Lallungmuana, Chief Executive Officer leh CSC lam aiawh Shri Mohammed Azeez Udin, Principal Consultant, Regional Office, Guwahati ten MoU hi an signed a ni. He MoU signed atang hian Apex Bank hnuaia Business Correspondent te chu CSC lam hian an enkawl tawh dawn a, Business Correspondent tam zawk neih theihna leh thingtlang kilkhawr thlenga Bank in zarpharhna hmanrua a ni dawn a, Apex Bank tan rahbi thar pawimawh tak ani.
