Agriculture Minister Pu PC Vanlalruata hovin Tuirial Airfield Sawhthing Sawngbawlna hmun enfiah
Vawiin khan Agriculture & Farmers’ Welfare Minister leh Mizoram Agricultural Marketing Board Chairman ni bawk Pu PC Vanlalruata chuan Tuirial Airfield-ah Sawhthing leh thlai dang dahthatna leh sawngbawlna hmun tur a enfiah.
Tuirial-ah hian sawhthing dahna atan Godown leh a sawngbawlna tur processing unit te bun a nih theihnan chak takin sawrkar chuan hma a lak mek a. Tunah hian a panna tur bypass road siamna atan pawisa Vaibelchhe 5 chuang dah a ni tawh a ni. Chief Minister duhdan angin sawhthing tharchhuah leh hun hmaa peihfel hman tura hmalak mek a ni.
Minister hi Dr KC Lalmalsawmzauva, Adviser to CM (Handholding); Pi Ramdinliani IAS, Secretary, Agriculture & Farmers’ Welfare; Pi Vanramthangi, Director, Agriculture & Farmers’ Welfare te leh Mizoram Agricultural Marketing Board member ten an tawiawm.
