Dm&r minister-in tlangnuam leimin a en
Vawiin tlai khan Prof. Lalnilawma chuan Tlangnuam PHE Tanky thlanga leimin chu a hmunah a en a, thuneitu te nen hmalak dan tur an sawi ho.
Tlangnuama PHE Tanky lian tlang hi 20th Aug, 2026 zan lama ruah sur nasa avangin 21st Aug., 2026 chawhma dar 9:30 vel khan a min a, kawng metre 50 vel chu a hnawhping. Leimin hian a chhak kawng pheia PHE Tanky bulah lei khi a siam bawk a. Leimin hi chhun lamah a theih ang anga hmalak niin Local Council-in hnatlang a ko a. Bialtu MLA leh Corporator ten leimin an hriat ve leh a hmun an thleng nghal a, leimin avang hian chhungkaw khat Pu Lalhmangaiha te chu an inthiar chhuak a ni.
Prof. Lalnilawma hi bialtu MLA Pu Lalchhuanthanga, Corporator Dr. Lalmalsawma Nghaka, PHED E-in-C Pi Zodinthari, EE Pi Lalzuimawii, ADDMA atangin Zonal Officer Pu K. Lalkroschhuanga, leh Assistant Commissioner Pu Hmingmawizuala, Geology & Mining atangin Senior Geologist Pu Benjamin Roluahpuia, , Local Council hruaitute leh khawtlang hruaituten an tawiawm a, PHE hotute nen hian Tanky hman zui dan tur te an sawiho nghal bawk.
