School Education Minister-in Govt. TM High School Zote-ah Integrated Maths & Science Lab a hawng
Vawiin khan School Education Minister Dr. Vanlalthlana’n Govt. TM High School Zote-ah Integrated Maths & Science Lab leh Office Building thar a hawng.
Minister chuan Govt. TM High School Zote chu a hmunhma te enfiah puiin, smart classroom an hman dan te school a thawktute nen an sawiho a. Thawktute leh zirlaite chu an vannei a tih thu leh school hmunhma ṭha tak leh changtlung tak an neih chu hmang ṭangkai turin a chah a. Thawktute nen office building sak tharah inkawmhona hun an hmang nghal bawk a ni.
Govt. TM High School Integrated Maths & Science Lab hi ₹ 28,21,304 senga sak a ni a. A dung lam hi feet 33 a sei niin, a vang lam hi feet 16.5 a ni a. April ni 1, 2026 a sak ṭan niin, July ni 30, 2026 ah sak zawh a ni. Teachers Office building sak thar hi UD&PA hnuaiah cheng nuai 10 senga sak a ni.
