Khawzawl Bawrhsap Pu K. Vanlalthiana’n NVS Foundation Day vawi 41-na lawmna a hmanpui
Vawiin khan Navodaya Vidyalaya Samiti (NVS) Foundation day vawi 41lawmna Jowahar Navodaya Vidyalaya, Khawzawl a neih chu Khawzawl Bawrhsap Pu K. Vanlalthiana’n khuallian niin a hmanpui.
He Navodaya Vidyalaya Samiti (NVS) Foundation day lawmna hi Te Lalhmingmawia (PGT-Geography) leh Vanlalhmangaihi (PGT-History) ten an kaihruai a, Ms. Isha Prajna Rashmi, Principal JNV Khawzawl in inlawmna thu a sawi a ni.
Khuallian Pu K. Vanlalthiana chuan thusawiin zirtirtute chu he jubilee pual hian kum tam tak chhunga sikul hlawhtlinnate hi ngaihlu a, Faculty zawng zawngte pawhin a hma aia hmasawn a thiamna hlutnate, zirtirna kawngahte hlawhtlinna tam zawk nei turin duhsakna a hlan a ni.
Zirlaite hnenah fuihna thu sawiin Mi hlawhtlingte chu magical shortcut emaw special talent emaw hmanga thleng an ni lova hlawhtlinna chu tlang i lawn ang bawkin an tum an thleng a. Step tenau pakhat khatin an kal a, harsatna tawk chung pawhin hma an sawn zel zawk a ni a ti. Lehkha chhiar kan zir tirh angin a tirte atanga tan bek bekin kan tum ram kan thleng thin. Tumah hi zan khat thil thuah expert an ni ngai lo. Master zawng zawng hi vawi khat chu beginner an ni a, kal zel tura thutlukna siam an ni a ti a,
nagihtuahna fim tak hmanga ul a. Natural talent emaw intelligence emaw aiin rilru chakna hian hlawhtlinna a hril zawk. In ngaihtuahna hian thil tak tak a siam a ni. “Hei hi a harsa lutuk” tih aiah “Hei hi a harsa a, mahse ka ti thei a ni. “Ka hlawhchham chuan engtin nge ni ang” tih ai chuan “Hemi atang hian eng nge ka zir theih ang? Heng ngaihtuahna inthlak danglamna tenau te hian hun kal zelah rilru chakna a siam thin. Goal hian direction a pe a, mahse system hian hlawhtlinna a siam thung. Zirna tih dan pangngai siam la, note buatsaih la, tih dan pangngai zawm rawh. Heng thil tih hian i rilru thununna a tichak a, hlawhtlinna a tipung bawk. Midang nena mahni inthlauhna hian rilru chakna a tichhe thin. Mahni thanlenna leh hmasawnna lam ngaihtuah u la. In hmasawnnate chu eng ang pawhin te pawh ni se, lawm rawh u. I hmalam hun hlawhtlinna chu tunlaia i rilru chakna i siam danah a innghat a ni a ti.
He hunah hian hnam Lam chi hrang hrang leh solo te bakah Regional Sports Meet – 26.04.2026 – 28.04.2026, JNV Baksa, Assam a neih zawh taka JNV Khawzawl atanga Participant te hnenah lawmman semna te neih a ni bawk. Mrs. H. Lalmuanpuii, TGT-Mizo in lawmthu sawina neiin he hun hi khar a ni.
JNV hi Co-Educational School a ni a. Pawl 6 atanga Pawl 12 thleng naupang ten residential sikula a thlawna zirna a ni. Zirna mamawh leh mimal mamawh, bedding items, daily use items, uniform leh thil chi hrang hrang te a thlawnin sorkarin a pe a ni. Tun 2026-27 session ah hian zirlai naupang 321 leh zirtirtu 24 leh non-teaching 13 an awm mek.
