Khawzawlah pluck and pay organizing committee thukhawm
Vawiin khan Pluck and Pay Organizing Committee chu Addl. DC Pu K. Zorammuana kaihhruaiin DC Video Conference Hall-ah an thukhawm. Tourism Department Minister Pu Lalnghinglova Hmar hova June 22, 2026-a rel tawh angin Pluck and Pay Festival hi September 23-25, 2026-a neih tur niin, September 23-ah Tualte-ah festival hawnna program neih a ni dawn a, September 25-ah Chawngtlai-ah a kharna hun neih tur a ni a.
Vawiin thutkhawmah hian programme kimchang taka duan a ni a, khualzinte tan huan tlawha thlai leh thei an lawhte lei bakah, zaithiam lar tak tak leh khawchhunga zaithiamte telin festival hawn ni leh khar ni-ahte concert buatsaih a ni dawn a, intihhlima tur Mizo infiamna chi hrang hrang buatsaih a ni dawn bawk a. Thlai leh thei leh handloom stall hrang hrang bakah food stall-te pawh siam a ni ang a, Chawngtlai leh Tualte khuaa tourist spot-te pawh a duh apiang tan tlawh kual theih tura ruahmanna siam a ni bawk.
Vawiin thutkhawmah hian BDO Pu Timothy R. Lalhmangaiha, DAO Pi Lallawmzuali, SDC Pu R. Lalrinhlua, DIPRO Pi Lalchungnungi Lakher, Chawngtlai leh Tualte VCP te leh Dikson Event Management aiawhte an tel a. VC hmangin member dangten meeting hi an zawm bawk a ni.
