Khawzawlah National Statistics Day hmang
Vawiin khan 20th National Statistics Day chu ramchhung hmun dang rualin Khawzawlah pawh District Research Office, Khawzawl bultumin Khawzawl Higher Secondary School-ah hman a ni a. hHe hun hi Pu Lalropuia, DRO, Khawzawl District in kaihruaiin Pu Joseph Zonunmawia, Principal, KHSS chu khuallian a ni a, Resource Person Pi Lalhminghlui, Lecturer, KHSS in kumin thupui ‘Unlocking the potential of administrative data’ tih hmangin zirlai kalkhawmte hnenah zirtirna a pe a ni.
Chairman Pu Lalropuia chuan Khawzawl Higher Secondary School-ah nikum leh kuminah te National Statistics Day hman a ni chu lawmawm a tih thu a sawi a. National Statistics Day hi Economics zirlaite nen hman thin a ni tih sawiin Economics leh Statistic hi inkungkaih tlat a ni a, zirlaite te tan Economics leh Statistics pawimawhzia hrilhhriatna leh zirtirna atan National Statistics Day pual hian hun hman thin a ni a ti a. Hei hi zirlaite pawhin an hlawkpui ngei a beisei tih a sawi a ni.
He hunah hian khuallian Pu Joseph Lalnunmawia chuan thu sawiin National Statistics Day-ah hian Economics pawimawhzia kan hriat thar a tul hle a ni a ti a. Father of Indian Statistics Prasanta Chandra Mahalanobis in India ram tana a hnathawh leh hmalakna te tarlangin a hnathawh ropui tak hriatrengnan leh State leh ram hmasawnna atana Statistic pawimawhzia hriat thar tirnan India ram Sawrkar chuan a piancham June ni 29 hi National Statistic Day atan alo puang ta tih a sawi.
