Khawzawlah nasha mukt bharat saptah denchhenin mass rally neih a ni
Vawiin khan Nasha Mukt Bharat Bharat Saptah (Drug Free week), ni 17th – 26th June, 2026 chhunga hman mekah Khawzawl District Nasha Mukt Bharat Abhiyaan (NMBA) Committee hmalaknain zing dar 07:00 khan Mualvawm Playground atangin DC Office tual thleng Mass Rally neih a ni.
Mass Rally hunah hian District NMBA Committee member-te, Khawzawl khawpui chhunga High School leh Higher Secondary School hrang hrang zirlaite an tel a. He hunah hian Ruihhlo ti lo tur leh Ruihhlo laka fihlim tura intiamna (pledge) lak niin signature drive neih a ni bawk a. Pu F. Lalbiakzauva, Superintendent of Police, Khawzawl District-in thusawina hun neiin Pu K. Zorammuana, Addl. Deputy Commissioner-in NMBA T-Shirt leh Cap (lukhum) tlangzarhna hun a nei bawk.
Vawiin vek hian Khawzawl District Nasha Mukt Bharat Abhiyaan (NMBA) Committee bultumin Deputy Project Officer (Samagra Shiksha) Training Hall-ah High School leh Higher Secondary School naupangte tan ‘On the Spot Painting Competition’ buatsaih a ni bawk.
