Mualphengah Solar Pumping Water Supply Scheme thawh zawh hawnna hun hman a ni
Vawiin khan Mualpheng MGNREGS Building-ah an khaw tana Solar Pumping Water Supply Scheme hlawhtling taka thawh zawh a nih lawmna leh he project hi Mualpheng Village WATSAN Committee (VWSC) kuta hlanna hun ‘Jal Arpan Diwas’ hman a ni.
Programme hi zing dar 7 ah ‘Transect Walk’ hmangin bul tan a ni a a, ‘Transect Walk’ ah hian khaw chhung tui semna pipeline leh valve te an dinhmun tlangpui en ho na neih a ni a, chumi zawhah MGNREGS Building-ah hun hman chhunzawm a ni.
Jal Arpan Diwas programme hi Pu K.Lalzemawia, VC Secretary in a kai hruai a, PHED Saitual WATSAN Division atangin Er. Lalpektluanga, Sr. EE in sawi hawnna neiin, Er. Lalzuala, Sr. SDO in Technical report a pek bakah ‘Meri Panchayat App’ hman dan hrilhfiahna a nei nghal a ni. Pu H.Rozamliana, Laboratory Assistant in Field Testing Kit hman dan zirtirna a neih zawhah Pu Laldawngzela VCP in thu a sawi a, chumi zawhah document pawimawh hrang hrang: Inventory List, As-built Drawings, Schematic line diagram, Technical test report hrang hrang te leh Water Quality Test Report te Village WATSAN Committee hruaitute hnenah hlanna hun neih a ni a. Jal Apran Diwas thutiam sawirualna in he hun hi khar a ni.
Mualpheng Solar Pumping Water Supply Scheme hi Jal Jeevan Mission hnuaiah February 2024 khan cheng vbc 5.23 senga thawh zawh tawh a ni.
