RD&A Minister hovin Ropuiliani Women Farmer Producer Company Limited thlirho
Vawiin khan RD&AD Minister, Prof. Lalnilawma Office Chamber-ah Mizoram State Rural Livelihoods Mission (MzSRLM), Rural Development & Administration Department hnuaia din Ropuiliani Women Farmer Producer Company Limited hmalakna thlirho a ni a. He meeting ah hian Ropuiliani Women Farmer Producer Company Limited hmalakna hrang hrangte thlirho niin kut hnathawktute tana hmasawnna a awm chho zel chu lawmawm a tih thu RD&AD Minister in a tarlang.
He Company hian Mizoram hmun hrang hranga company shareholders hnen atangin Sawhthing leh Mizo hmarcha leikhawm thinin man man zawka hralhchhuah turin a sawngbawl zui thin a. Sawhthing a leite pawh Sliced Dried leh Powder form a siamchhuak tawhin Mizoram pawna Buyers hrang hrangte nen in dawrna an kalpui mek thu tarlan a ni. Sawhthing powder an siamchhuah pawh Mizo Ginger Powder hmingvuahin KissanSay kaltlanga hralhtan mek a ni. He company hian MIFCO Complex, Chhingchhip ah nikum October, 2025 khan Primary Processing Unit din tawhin mumal zawkin Mizo tharchhuah thlaite sawngbawl leh value addition a kalpui chho mek a. Mizo hmarcha a leikhawm te pawh Grade mumal taka thliar hrangin hlawkzawka hralhmek a ni.
He meeting ah hian MzSRLM lam hotute leh Ropuiliani Women Farmer Producer Company Limited aiawhte an tel a ni.
