Chhiatrupna thlen thulha chet lâk dan entirna siaha district-a neih dan tur relin Ṭhutkhawm a ni
Vawiin khân DC Mini Conference Hall, Siahaah chhiatrupna thlen thulha chet lâk dan entirna tura inbuatsaihna atân ṭhutkhawm a ni. He hun hi Additional DC Pu Abraham Beirazie Khithie-in a kaihruai a, chhiatna lo thleng tur hi hriatlawk anih loh avangin a theih dan kawng kawngin kan hmazawn ṭheuhah kan lo inbuatsaih a ngai a, tun tuma tihchhinna pawh hi ngai thutak tûrin mawhphurhna hrang hrang neitute a ngen hmasa a ni. Mipuite pawh hemi ni hian chiai lo tur leh sawrkar hmalakna zawm tûrin a sàwm bawk.
Pu VL. Zuithanga, District Organiser, DM&R, Siaha chuan Mizoram pumah January 15, 2026-ah magnitude 7.1 lirnghing thleng anga chet lâk tum a nih thu sawiin, zing dar 10:00 AM atanga zan dar 6:30 PM thleng hun hman tur niin Siaha-ah chuan mipui chenna hmun New Colony I leh New Colony Bus Station bula Bus accident thleng anga hmalak tum a ni, a ti.
Vawiin ṭhutkhawmah hian Siaha District Disaster Management Authority member, Khawtlang hruaitute leh tlawmngai pawl hruaitute an tel.
