Khawzawl Police Station ah thubuai ziah luh a tam

2 months ago Piyali

Khawzawl Police Station-ah kumin January atanga thla hlui November thla thleng khan thubuai chi hrang hrang 60 ziahluh a ni. Khawzawl Police Station atanga thu dawn danin, Khawzawl Police Station-ah hian kumin chhungin Case chi hrang hrang ziahluh zingah rukruk leh in rawk thubuai ziahluh a tam ber a, Case 18 ziahluh a ni.

Thubuai ziahluh zingah hian pawngsual Case 1 leh POCSO Case 9 ziahluh a nih bakah ND&PS Act hnuaiah Case 10, MLP Act hnuaiah 8, Accident a thihna thleng Case 2, intihnat Case 5, dawt hmanga intih mualphona Case 1, inbumna Case 5 leh voyeurism Case 1 ziah luh a ni.

Thla hlui November thla bikah khan ND&PS Act hnuaiah Case 2, MLP Act hnuaiah Case 2, inbumna Case 1 leh dawt a intihmualphona Case 1 ziahluh a ni bawk.