LADC-MDC INTHLANPUI 2025- A COUNTING OFFICIAL-TEN TRAINING NEI
LADC-MDC inthlanpui 2025 – a Counting Official – ten vawiin chawhnu dar 1:00 PM khan DC Conference Hall-ah training an nei a. Pu Donny Lalruatsanga District Election Officer ( DEO) chuan a kairhuai.Pu Donny Lalruatsanga chuan kalkhawmte hnen a lawmthu sawina a nei hmasa a. Harsatna leh buaina awm lo a vote thlak zawhfel a nih thu tarlangin, Election Offical, MPF leh NGO-te thawhrimna fakawm a tih thu a sawi a . Lungtian -II, a Polling Officer-boralta chungchangah pawi a tih thu sawiin, a chhungte a tawrhpui thu sawiin, Ex – gratia pek a nih theih nan theihtawp chhuah a nih thu a tarlang a ni.
DEO chuan vote chhiarah fimkhur a tul hle tiin, buaina awm lo turin Counting Official – te chu tha taka training nei tura chah a. An thil zir te uluk tak a ngaithla leh hrechiang tura chahin duhsakna a hlan nghal bawk.
Pu Gilbert Lalhlimpuia (Master Trainer) chuan EVM leh Postal Ballot- a vote chhiar danah training – a pe a. Vote chhiar kawnga hriat tur hrang hrang, tih tur leh tih loh tur te leh tul dangte zirhona neih a ni a. Zawhna leh chhanna hun hman nghal a ni.LADC- MDC inthlanpuia vote – tla te hi Ni 9, December 2025 ( Tuesday) hian Govt. Lawngtlai College- ah zing dar 8: 00 AM atangin chhiar a ni ang.
