Mizopa kum 78 mi chuan natna danglam tak Aortic Repair chu hlawhtling takin Manipal Hospital EM Bypass-ah a ti
Mizoram mi pakhat kum 78 mi chuan thla eng emaw zat chhung chu a pum leh a hnungzang ah na tuarin tun hnai khan India rama mipui hrisena lam ngaihsaktu lian Manipal Hospital Group zinga lian ber Manipal Hospital, EM Bypass-ah main artery-a natna hlauhawm tak in enkawlin dam taka enkawl chhuah a ni a, He enkawlna hi Dr. Dilip Kumar, Director Cath Lab, Senior Interventional Cardiologist, Device leh Structural Heart Expert, Manipal Hospital EM Bypass-a a team te nen an kaihruai a ni. He damlo hi Mizorama tualchhung damdawi inah enkawl thin niin, a natna lan chhuah dan a zual zel a, chuta doctor-te chuan aortic aneurysm natna a nei tih an hmuchhuak a, chu chu aorta-a balloon ang maia hring, thisen kalna kawng lian ber, lung atanga taksa peng dang thlenga thisen phurtu a ni. Hei hian hun engemaw chen chu ngawi rengin a lo thang lian thei a, enkawl loh chuan a hlauhawm viau thei a, nunna atana hlauhawm bakah chhungrilah thisen a chhuak thei bawk. Damlo hi Manipal Hospital, EM Bypass-ah Dr. Dilip Kumar hnenah a bik taka enkawl atan refer a ni. Hun hmasa lamah chuan he natna hi zai ngai a ni a, hetah hian pum chhungah natna lian tak tak a awm a, damdawi inah rei zawk in enkawl ngaiin a awm leh thin. Mahse, endovascular aortic repair approach hian a pum puia him zawk leh rang zawa in enkawlna tur a pe a ni. Doctor chuan stent graft (tube ang chi, puan leh thir hmanga siam) chu a ti dam thei a, chu chuan thisen kalna kawng chak lo tak chu a tichak a, thisen kal dan pangngai chu a siam ṭha leh thei a, zai pui tuar lovin an dam phah thei a ni.
He thil danglam takah hian Dr. Dilip Kumar leh a team te chuan damlo groin-a chawr pahnih (20F leh 18F) hmangin bifurcated aortic graft chu enfiahin uluk takin a enkawl a ni. Enkawl danah hian — ProGlide pali leh Angio-Seal pakhat hmangin khar a ni a, harsa viau mahse uluk taka enkawl anih avangin tha takin an enkawl thei a ni. He hmanraw changkang tak hian thisen chhuah tlem ber, dam chak zawk, leh a danglam bik taka dam thuai theihna a siam a ni. Mak tak maiin, damlo hi a kal thei a, a tuk zingah chuan chhuahtir a ni a, Hetiang bawk lian tak lak bo sak chu ni khata kal theiin chhuah niin heng hi ramchhunga case hmasa ber a ni. He case chungchangah hian Dr. Dilip Kumar chuan, “He case hi risk sang tak a ni a, damlo main artery chu hlauhawm takin a thang lian a, a chhiat palh hlauhawm hle bawk. Tun hma chuan hetiang enkawl hi zai a ngai thin a, mahse tunlai thiamna hmangin tunah chuan zai ai chuan awlsam tein thiamna hmangin kan enkawl thei tawh a ni. He case hi a danglam tak niin thiamna hrang hrang hmangin zai na hmuam hma hi tihdam a ni a, hetianga damlo hlawhtling taka enkawl hi ramchhung hmundangah pawh a thleng khat hle a, hlawhtlinna ropui tak a ni.”
Heng avang hian damlo chu a tih dan zawm chuan a dam tha hle a, damdawi lam thiam awm zawng zawngte chungah lawmthu a sawi a, a enkawlna leh inrintawkna an pek avangin a lawm hle a ni. Tunah chuan a kea dingin a kal chhunzawm leh tawh a, a dinhmun enfiah turin Manipal Hospital-ah ngun taka enkawl chhunzawm zel a ni dawn a ni. He inzai hlawhtling tak hian tunlai thiamna tih hmasawnna tur leh thiamna hrang hrang te chu complex cardiovascular leh vascular disorders te chu chiang taka, himna leh lainatna nena enkawlna kawngah Manipal Hospital, EM Bypass-a tel ve a nih thu a finfiah a ni. Damlo chu a dam thuai theih nan leh a hma thei ang bera nun pangngaia a kir leh theih nan a pui thin a ni.
