Rural Development Minister Prof Lalnilawma’n Thenzawlah football tournament kharna inkhawm a hmanpui
Rural Development Minister Prof Lalnilawma’n Thenzawl Zone Football Association buatsaih “Lothazawl Diak Thlahna Inkhelhpui” kharna hun chu khuallian niin a hmanpui.
Prof. Lalnilawma chuan thu sawiin Thenzawl Zone Football Association hmalakna fakin hlawhtling taka tournament an buatsaih thei chu a lawmpui a. Tunlai thalai te zinga ruihhlo hluar zia sawiin sawrkar, tlawmngai pawl leh kohhranten nasa takin an buaipui a. “Infiamna hmang hian ruihhlo bawiha tang te a chhan chhuah theih avangin kan thiante zinga ruihhlo ti thin te chu inkhelhpuiah i sawm thin ang u”, tiin kalkhawmte a fuih. Nakin lawka kan ram hruaitu la ni tur, kan thalaite an hrisel chuan kan ram a hrisel a ni, Minister chuan a ti bawk.
Senior team ten final match an khelh tan hma in kharna inkhawm tawi hi buatsaih a ní a, Pu Liantluanga Renthlei, President, Thenzawl Zone FA-in a kaihruai a. Pu RLC Lalrinfela, Jt. Secretary chuan technical report a pe bawk.
