18th Urban Mobility India Conference 2025, 7th -9th November 2025, Gurugram, Haryana a neih ah Mizoram Sawrkar in Special Award a dawng
18th Urban Mobility India (UMI) 2025, 7th – 9th November 2025, Gurugram, Haryana a neih ah Mizoram sawrkar chu Mizoram Traffic Management System chungchang ah Special Award hlan a ni a. Lawmman hi Union Hon’ble Minister Manohar Lal leh Union Minister of State Tokhan Sahu, Ministry of Housing and Urban Affairs ten ‘Special Award’ an hlan a. Mizoram sawrkar aiawh in Pu Lalmalsawma Pachuau, Secretary, UD&PA, Pu Jacob Lalawmpuia, Director UD&PA leh Town & Country Planning Officer ten ten an dawng a ni. Urban Mobility India Conference hi Ministry of Housing & Urban Affairs hnuaiah Institute of Urban Transport(India) in kum tin huaihawt thin a ni a.
He Award dawng tur hian Award Selection Committee-in presentation nei tura a hriattir ang in, Town & Country Planning Wing, UD & PA Deptt chuan Ni 16th October 2025 khan Video Presentation bakah PowerPoint Presentation an pe a. Mizoram ah traffic rules tha taka zawm a nih dan te, mipuiin dawh thei taka traffic buai nuai nuai lova an tlan thin dan te, tul lo ah horn hmehrik a nih ngai loh dan, Coordination Committee on Traffic Management te hmalakna te presentation ah tarlan niin Aizawl chu Silent City tia sawi thin a nih thu te tarlan a ni bawk. He an Presentation pek zulzui hian Award Selection Committee chuan Central Ministry ah recommendation pe in Mizoram Sorkar aiawhin UD & PA Department a hotuten an dawng a ni.
He Award hlu tak hi Mizoram mipui in lungrualna te, thuawihna te, department a thawk tute thawhona bakah Mizoram Traffic Police leh Transport Department hmalakna tha tak avanga he Award hlu tak mai kan dawng thei hi Mizoram Sawrkar chuan lawmthu a sawi tak meuh meuh a ni.
