Ramchhunga GST rate thar hman hnuah bungraw tam zawk chu GST rate tih hniam a ni tawh
GST thar, September thla atanga hman tan ah hian agriculture lam kaihhnawih thil tam tak, a bikin hmanrua leh bungrua te chu a man tihhniam a ni a, hei hian kuthnathawktu’n hmanraw man an senso tur a titlem in hmanraw changkang zawk hman a nih theih nan kawng awlsam zawk a siamsak ngei beisei a ni.
Kuthnathawktute hmanraw thenkhat tiller, sprayer, diesel engine, buhherna khawl, composting machine, harvesting machinery te leh tractor te chu zaa 12 atangin zaa 5 ah a tlahniam a, leitha siamna bungraw hrang hrangte leh tui thehna hmanruate pawh zaa 12 atanga zaa 5 ah a tlahniam a ni. Heng bakah hian bungraw phur motor truck leh delivery van ang chi ah pawh GST chu zaa 28 atanga zaa 18 ah tihniam a ni a, hei hian thlai thar hralhna kawngah senso a tlem theih beisei a ni.
Aizawl bik ah chuan dawr thenkhat te chuan an bungraw tam zawk chu tax exempted an nih tawh sa avangin danglamna a thlen tam lem lo niin an sawi a, GST thar hman a nih hma pawh khan kuthnathawktute lei phak turin an bunngrua te chu man man zawka an hralh thin thu an sawi a ni.
