Social Welfare Minister-in Upate pual intihhlimna leh inzirtirna hun hmanpui
Vawiin khan Social Welfare Minister Pi Lalrinpuii chuan Central YMA Hall ah Directorate of Social Welfare, Mizoram Upa Pawl leh Directorate of Ayush te buatsaih, Upate pual intihhlimna leh inzirtirna hun chu khuallian niin a hmanpui.
He hunah hian Khuallian Social Welfare Department minister Pi Lalrinpuii chuan thusawiin, nu leh pate an lo upat a enkawl hna chu tu leh fate mawhphurhna a ni tih inzirtir thin leh chawinung hnam kan nih angin, upate chu anmahni awmhmun nghet ngei a upat lam hun hahdam leh hlim taka an lo pan theih nan (Aging in place) MUP Branch tin in hmun remchang uatsaih tur leh chumi atana lo bengvarpui tur in kalkhawmte chua chah a. Sorkar laipui pawhin Upate inkawm khawmna tur ‘senior citizens day care center’ siam chu a ngaih pawimawh thu leh an hriselna leh thil dang danga Upate hamthatna ngaihtuah pui zel a tum thute tarlangin, Minister chuan Upate enkawltu tur Geratric Caregivers pawh thahnem tak training pek an nih tawh thu leh Sorkar chuan Upate chu a ngai pawimawh thute a sawi a. Hrisel taka rei tak dam thei tura in enkawl that chu upate pawhin ngai pawimawh hram hram turin a chah nhghal bawk a ni.
Vawiina hun hman hi Pu Nghaklianmawia, MUP President chuan kaihruaiin, Upate tan a thil pawimawh leh tangkai chi hrang hrang, exercise awlsam tak a lak dan, eitur hrisel buatsaih dante leh an hriselna atan a hriattur pawimawh dangte mithiam rual ten zirtirna hun an hmang a. MUP branch 18 leh Mizo Upa Pawl (Lunglei Gen Hq hnuaia) branch 4 te hnen ah an inkawmhlimna hmun tih phuisui nan Rs 50,000 theuh hlan nghal an ni a. He hunah hian Pi Lalzarmawii, Commissioner & Secretary, Social Welfare Department bakah Department hotute leh mithiam sawm bik ten an hman pui bawk a ni.
