Siaha ah e-Shram a inziahluhna runpui neih a ni
Vawiin khan District Labour and Employment Office (DLEO), Siaha leh District Information and Public Relations Office (DIPRO), Siaha tangkawpin DIPRO Conference Hall, Council Vaih, Siaha-ah unorganised workers te tan e-SHRAM a inziahluhna runpui (special campaign) buatsaih a ni.
Hawnna hun tawi hmannaah Pu Reuben T Kompa, Dy Director, DLEO chuan e-SHRAM chungchang sawifiahna a nei a, e shram a inziaklutte tana hamthatna hrang hrang awm tarlanna a nei bawk. Dy Director chuan kalkhawmte chu an thenawmte leh chhungte, hna nghet neilote hnenah e-SHRAM chungchang hrilhre theuh turin a chah nghal bawk.
e-SHRAM chu Ministry of Labour & Employment hmalakna niin Ram chhunga unorganised workers (Sawrkar hna nghet neilo, mahni kut ke a eizawng) te hamthatna tura buatsaih a ni. e-SHRAM portal a inziaklut thei chin chu unorganised worker, kum 16-59 inkar niin, hamthatna hrang hrang awmin Kum 60 an tlin huna thla tin cheng 3,000/- thlenga pension dawn theihna a nih bakah an mahni an boral palh pawha an nupui/ pasal (spouse) ten monthly pension an nei theihna a ni. Hei bakah e-shram hnuaia inziaklutte chu PMSBY hnuaiah thun fel nghal niin accident tawh palh thuah insurance cheng nuai 2 thlenga lak theihna a ni bawk a ni.
