Mamit-ah Nasha Mukt Bharat Abhiyaan (NMBA) 5th Anniversary pualin ruihhlo do kawngzawh neih a ni
Tukin khan 5th Anniversary Nasha Mukt Bharat Abhiyaan pualin Mamit Charkawn atanga Field veng thleng ruihhlo do kawngzawhna neih a ni a. GSA Payground-ah hemi puala zirlaite tana buatsaih Essay writing leh Poster making competition buatsaih lawmman semna Pu K.Laltlawmlova, Chairman District Level NMBA Committee, District Bawrhsap ni bawk chuan a nei.
Kawngzawhna neih zawh hian hemi pual inkhawm tawi neih Pu K. Lalnunfela, District Education kaihhruaiah Pu Lalsangzuala Ralte, Asst Commissioner, Excise & Narcotics Mamit chuan India rama ruihhlo hluarna District 100 thlanchhuah zingah Mizoram chhung District pathum zingah Mamit chu kan tel a, ruihhlo hi thangthar zawk te’n ti ve lo tura kan do loh chuan kan ram min runin min eichhe mek a ni a ti. Ruihhlo chu a ti chhin te’n duh hun huna tihtawp leh mai tumin an ti thin a, mahse reilote-ah a bawihah chhuak leh theilo-in an lut thin a, a invenna tha ber chu tih ve miah loh a nih avangin zirlai naupang kalkhawmte chu ruihhlo kaihnawiha hrang hrang laka fihlim tlat turin a chah a ni.
Dr. Lalrinfela, Medical Superintendent kaihruainain kalkhawmte’n ruihhlo ti ve lo tura intiam rualna neih a ni bawk. Nasha Mukt Bharat Abhiyaan puala buatsaih Essay writing hi High School zirlaite tana buatsaih niin hengte hi lawmman dawngtute an ni. Pakhatna Zodinsangi, Class X, Presbyterian English School, pahnihna 2nd – Jonathan Lalmuanpuia, Class IX, St. Francis of Assisi HS, pathumna Ruth C.Hualzikpuii, Class X, Govt. Mamit HS te an ni. Middle School zirlaite tana buatsaih Poster making-ah pakhatna Lalruatmawii, Class VIII, St. Francis of Assisi, pahnihna C.Lalchhansangi, Class VIII, Govt.MS-I, pathumna Janet Lalremtluangi, Class VII!, Govt.MS-1 te an ni.
