Serchhip DC hoin CM Rubber Mission kalpui dan tur rel
Vawiin khan DC Pu Paul L Khuma hoin Serchhip DC Meeting Hall ah CM Rubber Mission kalpui dan tur District thuneituten an rel.
Meeting-ah hian Rubber Producer Society te chu a Zau ang zela neih ni se, District Office, Land Resources, Soil & Water Conservation – in Zauhruaitu te lo hrilh hriat a, August 2025 chhungin District Cooperative Office-ah in register tura hmalak ni se tiin an rel a. Rubber thar chhuah awm mek chu dik taka chhinchhiahin record mumal taka vawn ni se, an ti a. He mission kalpuina tura thlan chhuah list enho niin Director, Land Resources, Soil & Water Conservation pawmpui tura thawn ni se, tiin an rel.
Meetingah hian District Officer Pu Lalthazuala chu Member Secretary a ni a. LES&WC Department official te, EF&CC, DRDO, Cooperation, Horitculture official te bakah farmer aiawh te an tel a ni.
