Saitualah District Vigilance Committee on Fertilizer (DVCF) thukhawm
Vawiin khan District Bawrhsap Dr Lalngura Tlau kaihhruainain District Vigilance Committee on fertilizer (DVCF) chu DC Conference Room ah an thu khawm a, fertilizer chet vel dan leh retail dealers chungchangah District tinten August Ni 15, 2025 ral hmaa Chief Secretary hnena report theh luh tur a nih angin Saitual District chhunga fertiliser chet vel dan leh retailers chungchanga hmalak zui dan turte relho a ni.
Chairman chuan District Vigilance Committee on Fertilizer (DVCF) thutkhawmna neih a ni chu lawmawm a tih thu sawiin, Urea bikah fertiliser controller, Directorate of Agriculture-te hriatpui loh hian Mizoramah nasa taka hralh thin a ni chu pawi a tih thu a sawi a, fertiliser chu India ramin a thar chhuah tlem avangin ram dang atanga lakluh a tul thin a, ram mipuite tana tangkai tak leh ei leh bar nghawng pawimawh tak a nih avangin control a ngai a ni, a ti. Fertiliser chu a nih loh dan turin a kal nasa a, ram mipuiten an tuar a, ram hmasawnna tur pawh nasa takin a ti thu a ni, a ni.
Vawiin thutkhawmah hian Fertiliser Inspector & ADAO, Pi Lalrindiki chuan fertiliser allotment an dawn dante, Taxation Office lamte’n dealers registration tih tawh an neih dante report a pek bakah dealers-te Joint Inspection neih dan turte an rel nghal a ni. Tun dinhmunah hian Saitual District ah dealers mi panga(5) awmin heng zinga mi pali(4) te chu hmun dang ami an ni a, dealers te hi retailer an ni tel nghal vek bawk.
He thutkhawmah hian Pi Hmangaihthangi Renthlei, DAO, Pu Jacob Lalmalsawma, DHO, Pu Laltanpuia, SDPO, Pi Lalrindiki,Fertiliser Inspector & ADAO, Pi Lalchhumpuii, LDC, Asst.Commisioner of Tax, leh Pu C. Lalrotluanga, President, AMFU te an tel a ni.
