Larsap leh Cooperation Minister te’n thing tiak an phun
International Year of Cooperatives (IYC) -2025 lawmna kalpui mek zelah vawiin chawhma khan ‘Ek Ped Maa Ke Naam’ pualin Larsap General (Dr) Vijay Kumar Singh, PVSM, AVSM, YSM (Retd) leh Cooperation Minister Pu PC Vanlalruata te chuan Raj Bhavan-ah Ashoka Tree tiak an phun.
Larsap leh Cooperation Minister-te hian ‘Cooperatives Build a Better World’ tih thupui hmanga International Year of Cooperatives -2025 lawmna kalpui mek leh hmachhawpte bakah pawimawh dangte an sawidun bawk.
Vawiin hun hmanah hian Cooperation Secretary Pu Amit Sharma, Registrar of Cooperative Societies Pu John L.T. Sanga leh official dangte an tel a ni.
