Kolasibah DAJGUA kalpui dan tur chungchangah thutkhawmna neih a ni
Vawiin khan kolasib DC Conference Hall ah Pu Robert C Lalhmangaiha, Kolasib DC kaihhruaina hnuaiah Dharti Aaba Janjatiya Gram Utkarsh Abhiyan (DAJGUA) chungchangah thutkhawmna neih a ni a. He hunah hian DAJGUA campaign neih dan tur te leh tul leh mamawh hrang hrangte line department kalkhawmten an sawiho a ni. Thutkhawmna kaihruaitu Kolasib DC Pu Robert C Lalhmangaiha chuan sawrkar ina Tribal te a ngaihtuah dan sawiin, tribal enkawlna kawngah constitution duangtuten ngaihtuahna thui tak an seng a, hamthatna duhsak takin min pe a, chu chu kan tangkaipui thiam angai a ni, a ti. Sawrkarin hamthatna a siam thenkhat te chu mipuiten hrilhhriatna an dawn tawk loh avanga an mamawhte leh an chanvo neihna kawngah a kalhmang an hriat thin loh thu sawiin, DAJGUA chu mipuiten, a bik takin Tribal area a cheng ten sawrkar scheme leh hamthatna chi hrang hrang chiang zawk leh awlsam zawka an hriat a an hman tangkai theih na hmanrua a nih thu a sawi.
DC chuanDepartment tinte scheme chu inhriatpui theih vek a nih loh avangin, chair atanga campaign an kalpui dan tur zawng zawng sawi a remchan lohna chin pawh a awm thu sawiin, anmahni Department kaihhnawih a mipuite kawtkaia office hawnga, mipuite hamthatna tura an beihna kawngah Department aiawha kalkhawmte hnenah chuan theihtawp an chhuah a pawimawh takzet a ni, a ti. He hunah hian Department hrang hrang aiawhten DAJGUA an kalpui dan tur leh an harsatna tawh theih te thawhkhawmin ngaihtuahho a ni a. DAJGUA chu tun thla chhunga zawh tur a nih avangin Kolasib District ah chuan june 26,atanga ni 28 chhungin khaw 12 ah kalpui ni se tia rel a ni a. Hemi hunah hian kawtkai office(saturation camp) siam te,aadhar card enrollment te, ayushman Bharat, Pension schemes, PMKisan yojana leh adang te mipui tana awlsam taka hmuh a nih theih nana chhawpchhuah nise tia rel a ni. Heng bakah hian banner leh hoarding te pawh siam nise an ti bawk.
DAJGUA (Dharti Aaba Janjatiya Gram Utkarsh Abhiyan) hi India sawrkar ,Ministry of Tribal Affairs kaihhruaina hnuaia tribal community te tana hmasawnna huapzo leh nghet zawk a thlen theihna tura hmalakna lian tak a ni a. He programme hmang hian tribal area-a hmasawnna ruhrel, hriselna, zirna, leh eizawnna lama inthlauhna zau takte sawr zim tum a ni. DAJGUA hian Sawrkar ministry hrang hrang 17-te thawhhona, specific intervention 25 a huam a, state tin leh Union Territory-a khaw 63,000 chuangah tribal mipuite hnena direct-a hamṭhatna leh service hrang hrang pekna tur hmanrua a ni a, tribal mi mtd 50 chuangten an hlawkpui thei dawn a ni. DAJGUA in a ken tel thil pawimawh tak chu ram pum huapa “Awareness and Benefit Saturation Campaign” a ni a, June 15-30, 2025 chhung hian tribal community-te’n Aadhaar card, ration card, health card (Ayushman Bharat), immunization support, bank account te leh pension scheme hrang hrangte an dawn theih nan khaw hrang hrang a camp buatsaih tum a ni.
