Nimin khan Chhimveng hall, Mamit-ah Mizoram People Forum, Mamit District buatsaihin “Seminar on Good Governance” neih a ni
He hun hi Rev.Lalnunzira,President MPF Mamit District in kaihruaiin, Rev F.Lalrammawia Counsellor, FC & CC in hunserh hmangin, inhmelhriattirna Upa H.Vanlalhluana Secretary MPF, Mamit District in a nei bawk. Seminar sawi hawnna leh MPF hmalakna chungchang Rev Lalramliana Pachuau Gen.Secretary MPF Gen.Hqtrs-in neiin inthlanna felfai leh thianghlim a awm theihna turin MPF din a ni a, chumi hnuah Sawrkar tha a awm theihna turin hmalakna a nei chhunzawm ta zel a ni a ti.
Rev.K.Lalrinmawia Governing Board Member MPF,Gen.Hqtrs chuan “Sawrkar tha siam tura mipui mawhphurhna” tih thupui hmangin sawrkar tha,chhiat leh thata rah sengtu,sawrkar thalo nghawng,sawrkar tha siam tura, mipui NGO,Kohhran, party mawhphurhna hrang hrang zirtirna a pe.
He hunah hian Pu Lalnunfela Chawngthu SDO ( S) in thusawina hun a hmang bawk. Seminar on Good Governance-ah hian Kohhran hrang hrang committee member, MUP, MHIP, YMA, Party hrang hrang aiawh leh Sawrkar department hotute an tel a ni.
