Lawngtlai project director in horticulture godown atangin sawhthing vailiam
Lawngtlai District Agricultural Marketing Committee (DAMC) hmalakna kal zelah vawiin khan Lawngtlai District atanga sawhthing Secondary Collection Centre- a lakkhawmte thawn chhuahna Horticulture Godown, Council Veng, ah neih a ni a. Pu H. Zonunmawia, Project Director, DRDO chuan sawhthing thawnchhuah turte hi a vailiam.
Pu H. Zonumawia chuan Mizoram sawrkarin a kalpui mek pawimawh tak Bâna Kaih ( Handholding Policy) atak a hmuh theih a ni chu lawmawm a tih thu a sawi a. Kut hnathawktute, a bik takin Sawhthing, Aieng, Hmarcha leh Hmunphiah chingtuten hlawk leh man man zawkin an hralh chhuak zung zung thei tawh dawn a ni, a ti. Vawiina sawhthing thawn chhuah tak chu a bul tanna chauh a nih thu tarlangin, Pu H. Zonunmawia chuan Sawrkarin thlai thar lei tura a thlan chingtute tan hmalam hun a êng hle a ni, a ti bawk.
Vawiina sawhthing thawnchhuah tak hi quital 345.8 niin, FCI Godown, Sairang pan pui nghal a ni a. He hun hmannaah hian DAMC Member bakah Secondary Collection Centre – a Cluster Society member- te an tel thei a ni.
