World sight day vawi 26-na lawmna hun hman a ni
Vawiin khan National Programme for Control of Blindness & Visual Impairment (NPCB&VI) leh Ophthalmological Society of Mizoram (OSOM)-te tangkawp buatsaihin Pachhunga University College campus-ah World Sight Day lawmna hun hman a ni.
World Sight Day hi kum 2000 atang khan kumtin October thlaah hman thin a ni a. Kumin hi a vawi 26-na niin, thupui chu ‘Love Your Eyes’ tih a ni.
Dr Vanlalhruaii, Asst Prof., ZMC-in General Eye Health chungchang hrilhhriatna hun hmangin, Dr Lalramengmawii, Sr. Ophthalmologist, Synod Hospital-in Eye Donation chungchang zirtirna a pe bawk a. He programme zawhah hian a thlawna mit entirna, Free Eye Screening neih nghal a ni a. He thu buatsaih lai hian naupang leh zirtirtu mi 120 chuang mit entir awm tawhin, eye donation tura pledge chhang mi 100 chuang an awm bawk a ni.
