Supply Minister in Lawngtlai District-a sawrkar hmalakna a enfiah
Supply Minister Pu B. Lalchhanzova chuan vawiin khan Lawngtlai District a India leh Myanmar inrina Zorinpui a tlawh a, ramri kaltlanga insumdawn tawnna turte a enfiah.
Minister chuan, India leh Myanmar inkalpawhna kawngpui KMMTTP road chu kawng pawimawh tak a nih chhoh zel tur thu a sawi a. Zorinpui chu ram pahnihte insumdawn tawnna hmun pui tur a la nih thuai a rin thu sawi bawkin, a chhehvela cheng mipuite chu a hlawkna tel thei tura lo inbuatsaih lawk turin a chah.
Pu B. Lalchhanzova Minister hi Lawngtlai East MLA Dr. Lorrain Lalpekliana Chinzah Adviser to Chief Minister, Pu K. Hre Kung MDC & Leader of Opposition LADC leh a thawhpuite bakah, official mi thenkhatte leh ZPM Lai District Headquarters Lawngtlai hruaitute’n an tawiawm a ni.
