Serchhipah Sangha Khawitute tan training buatsaih
Vawin khan Serchhip District chhunga Sangha Khawitute tan District Fisheries Development Office, Serchhip chuan UD&PA Conference Hallah Training an buatsaih.
Training kaihruaitu Pu K.Lalmalsawma, DFDO Serchhip District chuan Sangha Khawitu tam tak zinga training tura thlan chhuah te an vanneihna hmang tangkai tur leh hlawkpui tum ngei turin a chah a ni.
Pu Kaptluanga, FEO chuan Sangha tuitir dan a zirtir a. Pi Janet Lalawmpui Chawngthu, FEO chuan Sangha natna leh a enkawl dan a zirtir a. Pu Chanchinmawia, AFO in Indian Major Carp khawi dan leh Dil enkawl dan a zirtir thung a ni. Buh hmuna Sangha Khawidan zirtirna pek an ni bakah Buh hmuna Sangha Khawite hnenah tanpuina sem nghal a ni bawk.Chawhnu lamah sawihona hun an hmang a. Farmer te harsatna tawh hrang hrang te leh zawhna an neih te hrilhfiah an ni.
