Serchhip Town Land Committee thukhawm
Vawiin khan Serchhip Town Land Committee chu an Chairman Pu Paul L Khuma, Serchhip Bawrhsap hovin DC Meeting Hall-ah an thukhawm.
Kumin atana Serchhip Town Land Committee thukhawm vawikhatnaah hian dilna 33 a lut a. Chanmari, New Serchhip North, New Serchhip South, Kawnpui North & Hmar Veng VC atangin heng dilna te hi a lut a ni. Committee chuan ngun taka a ngaihtuah hnuah dilna 29 pawm a ni a. Dilna 4 hi chhan hrang hrang avangin hnawl a ni.
Vawiin meeting ah hian Settlement Officer Pu Gaston Vanlalhriatpuia bakah line department hrang hrang aiawh te, khawtlang hruaitute, tlawmngai pawl aiawh te an tel a ni.
