Serchhip District NCORD meeting neih a ni
Vawiin khan Serchhip District NCORD chu an Chairman Pu Paul L. Khuma hoin DC Meeting Hall ah an thukhawm a. NCORD meeting hmasaa thurel bawhzuina te thir letin, hmachhawp te an sawiho a ni. District level NCORD meeting vawi 19 na leh kumin atana a vawi 9- na ah hian report hrang hrang ngaihthlak a ni a.
Meeting leh meeting inkarah ruihhlo (narcotics) kaihhnawh case thar ziahluh a awm lo a. Sawrkar thuneitute, dan leh thupek kengkawhtute leh tlawmngai pawl te tanrualna avangin ruihhlo pawh a tlem chho zel nia hriat a ni a. Hetihlai hian tha thlah loa tan zel a tulzia DC Pu Paul L Khuma chuan a sawi a ni. Excise Department ten Thenzawl leh N.Vanlaiphai ah Drugs awareness campaign an nei dawn a.
Damdawi zawrhna dawrah te damdawi zawrh phal loh zuar an awm em, tih enfiah mek a nih thu meeting-ah hian sawilan a ni bawk. Serchhip District Narco Coordination (NCORD) meeting hi thla tin neih thin a ni a. Police leh Excise Department te, Health Department Department hnuaia Food and Drug Administration te, Serchhip Sub Headquarters YMA hruaitute leh mi pawimawh dang te an tel a ni.
