Serchhip District chhunga National Highway siamthat chungchang meeting neih a ni
Nimin khan Serchhip DC Pu Paul L Khuma chuan a pisaah NHIDCL hnuaia contractor te a ko a. Kawng chhia thawm that dan tur a sawipui.
Serchhip tantlangtu National Highway-02 laih thar hi a siamtu contractor te kutah maintenance leh repair a la awm a. Furpui zawh hnuah kawng chhia, bal leh khuar te engemawzat a awm avangin thawm that leh chei that mek a ni a. Serchhip DC chuan Baktawng leh Serchhip inkar kawngpui chu Krismas hma ngeia zo hman turin a hrilh a. By pass kawng chhe nasa tak, repair hna an khawih mek pawh January 2026 ral hma ngeia an zawh hman tur thu Contractor te hian an sawi.
DC chuan an inhuam ang ngei a, hun bi an ruat chhunga kawng repair zo hman turin contractor a hrilh a. Office lam atangin an hnathawh dan an enzui reng tur thu a sawi bawk.
