Saitual District-ah Safai Apnao Bimaari Campaign 2025 kharna hun hmang
Vawiin khan Kaphranga Auditorium, Rulchawmah, UD&PA department buatsaihin faina kawnga hmalak runpui ‘Safai Apnao Bimaari Campaign 2025’ kharna hun hman a ni a, Pu Lalthakima Chhangte, SDO (S) chu khuallian niin hun a hmanpui. He hunah Pu Lalthakima Chhangte, SDO (S) chuan thu a sawi a, faina kawnga Saitual District hma a sawn theih nana hma latu DUDO leh a thawhpuite chu fakawm a tih thu a sawi a, khawtlang hruaitu VC te pawhin tha taka an thawhpui thin avangin lawmthu a sawi nghal a ni. Khuallian chuan India rama state dangte aia faina leh thianghlimna kawnga hma kan sawn chhan chu zirtir leh kaihhruai kan nawm vang a ni, a ti a, chutih rualin hmasawnna tur tam tak kan la nei a ni, a ti.
SDO (S) chuan kutsil fai pawimawhzia a tarlang a, natna tam tak kutsil fai hian a pumpelh theih thu a sawi. Pu Lalthakima Chhangte chuan thawmhnaw man to tak tak inbel hi changkanna a ni lo, a ti a, in leh a vel bakah mahni invawn fai chu changkanna dik leh belhchian tlak nihna a nih thu a sawi. Khuallian chuan kalkhawmte chu faina leh thianghlimna kawngah te theih tawp chhuah a, hma la zel turin a sawm a ni. Safai Apnao Bimaari Campaign 2025 hi 1st July-31st July chhung khan UD&PA department leh Sihfa, Rulchawm leh Keifang Venglaia Village Council te bakah Children Sanitation Club te nen tanghoin kar tin buatsaih a ni a. Mantra paruk- clean hands, clean homes, clean neighbourhoods, clean toilets, clean drain & clean water bodies leh clean pubic places tih hmangin activity hrang hrang, cleanliness drive, awareness campaign leh door to door campaign te neih a ni.
Safai Apnao Bimaari Campaign 2025 kharna hun hi Er. Laldinsanga Hnamte, DUDO in a kai hruai a, Pu Lalthakima Chhangte, SDO (S) chuan thu sawiin, Village Council, Village level Sanitation Committee leh Self Help Group te hnenah UD&PA chuan an thawhpuina avanga lawmthu sawina “certificate of appreciation” a hlan nghal bawk a ni.
