Sailam Community Weaving Centre Hawng
Pu Vanlaldina Fanai, Commissioner & Secretary to the Govt. of Mizoram, Planning & Prog. Implementation Department chuan nimin khan khan Sailamah Sailam Community Weaving Centre a hawng. Khuallian Pu Vanlaldina Fanai chuan Sailam Community Weaving Centre hawnna inkhawmah thu sawiin, he project a hlawhtlin avanga lawmthu a sawi bak ah project hrang hrang te Sailam khua ah hian hlawhtling tak a kalpui a lo nih tawh thin avangin Sailam mipuite chung ah lawmthu a sawi a. Mipui te tangrual zel tur leh hma sawn zel tum tur a fuihin, sawrkar lam pawhin tanpui tlak te chu tanpui zel tur a an in hawn thu a sawi bawk.
Sailam Community Weaving Centre, Sailam khua a sak hi Village Level Development Program (VLDP) hnuaia Entry Point Activities (EPA) project kalpuina khaw 6 zing a 1 a ni a. Sailam khaw mipui ten puantah an zirna hmunpui atana ruahman a ni. He project atan hian cheng nuai 10 dah niin, Centre sakna mai bakah puantahna khawl 8 leh puanbu kim, bungrua leh hmanrua chi hrang hrang te lei a ni.
Centre hawnna program ah hian Chairman, Pu Lalmalsawma Pachuau, Secretary Planning Department chuan hun kaihruaiin Pi Irene Chhangte, Design Consultant bak ah Village Council member leh Sailam Handloom Society member te hnen atangin report ngaihthlak a ni a. He project hi mipui ten an hlut in an chhawr tangkai hle a, hmasawnna rahbi thar an kai a ni tih an sawi a ni.
