Ram hruaituteten Mizoram Statehood Day chibai an buk
Vawiin hi Mizoram State Day vawi 39-na a ni a, President, Vice President, Prime Minister leh ram hruaitu hrang hrang ten Mizoram State Day lawmpuina an hlan.President Droupadi Murmu chuan Social Media account kaltlangin Mizo mipuite state day chibai a buk a, Mizorama chengte chu hnam ziarang mawi tak leh hmun mawi tak nei an ni a ti a, ram hmasawnna tura tha an thawhna hrang hrang chu hlu atih thu sawiin hmasawn zel turin duhsakna a hlan a ni.Vice President CP Radhakrishnan chuan Mizoram chu khuanu kutchhuak mawina tam tak awmna hmun ani a ti a, a ramngaw mawina leh a boruak thiang tak chu India inchhuanna a ni tih sawiin remna leh muanna avanga a hmingthanna chu chhunzawm zel turin a chah a, hmasawn zel turin duhsakna a hlan a ni.
Prime Minister Narendra Modi chuan Mizo hnam ziarang leh nunphung mawi tak chu mipuite hip tu ani a ti a, tualchhung inrelbawlna tha tak leh inunaua tha tak bakah midangte inzah tawn taka an awm chu chhuanawm atih thu sawiin ram hmasawn ruala hmasawn zel turin a chah a ni.Union Home Minister Amit Shah pawhin Mizoram Statehood Day chibai bukin remna leh muanna avanga an hmingthanna chu chhunzawm zel turin a chah a ni.Union Health Minister JP Nadda pawhin Mizoram State Day chibai bukin Mizoram mawina leh mipuite thawhrimna chu chhuanawm atih thu a sawi a, state hlim thei tak leh midangte inngaihsakna hmun ani chu chhuanawm atih thu a sawi bawk.Parliamentary Affairs Minister Kiren Rijiju chuan Mizoram Statehood Day chibai bukin Mizo nunphung leh hnam ziarang mawi tak chu chhuanawm atih thu a sawi a, ram tana ke pen zel turin a sawm a ni.
DoNER Minister Jyotiraditya M. Scindia chuan Mizo mipuiten State ni tura an thawhrimna chu chhuanawm atih thu a sawi a, remna leh muanna avanga an hmingthanna chu hlu atih thu sawiin mipuite State Day hlim taka hmang turin duhsakna a hlan a ni.Lok Sabha-a Leader of Opposition leh Congress hruaitu Rahul Gandhi pawhin Mizoram Statehood Day chibai bukin Mizoram hnam ziarang leh nunphung mawi tak chu chhuanawm atih thu a sawi a, state chhunga mipuite inlungrualna chu chhunzawm zel tha atih thu a sawi bawk.BJP President Nitin Nabin pawhin Mizo mipuite Statehood Day chibai bukin remna leh muanna kawnga an hmalakna chu chhuanawm atih thu a sawi a, Mizoram chu ram mawi tak mi cheng te nun ze mawi tak awmna ani tih sawiin state chu hmassawn zel turin duhsakna a hlan a ni.
