Pwd minister-in mamit leh bairabi inkar kawngchhia a tlawh
Vawiin khan Pu Vanlalhlana, Hon’ble Minister, PWD, Transport leh Parliamentary Affairs changtu chuan Mamit leh Bairabi inkara kalkawng siam mek chu a hmunah enfiahna a nei a. Bairabi khaw chhunga 4 Lane National Highway 06 siam mekte leh Bairabi Railway Station-te leh FCI Godown te PWD Minister hian a hmunah a tlawhin a enfiahna a nei nghal a ni. Pu Vanlalhlana chuan Mamit leh Bairabi inkar kawng chu Mizoram District pahnih in kalpawhna leh ei leh bar chawkluhna kalkawng pawimawh tak pakhat nih avangin thawmthat ngai laite thawmthat vat a tul thu a sawi a. Chak zawka he lai kawng hi siam a nih theih nan Sawrkar chuan hma a lak thu a sawi bawk.
PWD Minister hian Bairabi khaw chhunga NIDHI Creative Infrastructure Private Limited in nikum atanga 4-Lane National Highway siama kawngpui zauh hna a thawh mek chu a hmunah enfiahna neiin Land Owner’s Association-te nen inkawmna a nei nghala. He hunah hian khaw chhung kawng siam meka harsatna awmte sutkian dan turte sawiho a nih bakah Compensation chungchanga harsatna awmte chak zawka chinfel dan tur sawihona neih a ni bawk. Pu Vanlalhlana hian Bairabi-a Food Corporation of India (FCI) Go-down chu tlawhin, thawktute kawmna a neih zawhah Rail Station hmunhmate tlawhna nei nghalin Rail kawng siam tharte enfiahna a nei a. Bairabi atanga Aizawl panna kalkawng National Highway 06 dinhmun pawh enfiahna PWD Minister hian a nei nghal a ni.
PWD Minister hi Pu Chinlianmanga, Sub-Divisional Officer (Civil) Bairabi, Er. Robin Lalrinawma, Chief Engineer (Highways) PWD, leh Er. PC David Lalrinliana, Executive Engineer, NH Division-I, PWD te bakah NIDHI hotute’n an tawiawm a ni.
