Pu vanlaldina fanai commissioner, cm, gad leh us roofs ltd hotute inkawm
Vawiin khan Pu Vanlaldina Fanai, Commissioner & Secretary to CM, GAD, etc. Government of Mizoram leh Mumbaia Mizoram House sa tura lo rawih tawh thin US Roofs Limited thuneitute chuan Mumbai Mizoram House sak chhunzawm dan tur sawiin Mumbaiah meeting an nei. Hei hi Chief Minister Pu Lalduhoman hma a lo lak tawhna bawhzuina a ni.
Inremna hmasaa Mizoram sawrkar chan tura tih chu a tha tawk lo va hriat a nih avangin vawiina meetingah hian sawrkar chan tha leh zual zawk tura Inremna thar siam te, a building pawh sang zawka sak a, a sak hna pawh rang zawka kalpui dan te sawi a ni. Pu Vanlaldina Fanai hi Pu C. Lalhmunliana, Addl. PS to CM leh Pu H. Lalruatliana, DRC, Mumbai ten an tawiawm.
Mizoram sawrkar I&PR Press Release 1183/ 2024-25, Dated 15th July 2024 ah Mumbai Mizoram House sak chungchanga sawrkar hmalakna lo tihchhuah a ni tawh a. Khatianga sawrkarin hma a lak hnu khan US Roofs Ltd. hian inbiakna thar neih a, an hna hmabak te chhunzawm leh an dil a. An dilna hi sawrkar chuan ngaihtuahsak tlakah ngaiin hetiang hian hmalakna neih a ni leh ta a ni.
