PMI in dan lova zuk leh hmuah tawlhruk tih tawp tum
Kum kalta chhung khan ASEAN bial chhunga sorkar leh a kaihhnawih thawhpuite chuan cigarette black market dona kawngah hma an la nasa hle a ni. Mahse, buaina hi a la na hle a, heng ram hrang hranga cigarette lakluh 4 zinga 1 chu dan kalh a ni. He thubuai hi dan kalha pawikhawihna chi khat a ni a, India leh Thailand ang ramte hi a kaltlangna leh a hmunpui angin an thawk ve ve a ni.
World Health Organization (WHO) Framework Convention on Tobacco Control chuan India chu ruihhlo kaltlangna hmun leh zuk leh hmuam dan loa sumdawnna hmun pawimawh tak a nih thu a tarlang. Intelligence report-ah chuan dan loa cigarette hi India ramah lawng, airport leh leia ramri kaltlanga lakluh a ni tih a tarlang. Tun hnaia ‘Switching Off Illicit Cigarettes’ chungchanga session-ah thu a sawi a, Rodney Van Dooren, Head of Illicit Trade Prevention Asia Pacific, Philip Morris International (PMI) chuan, “ASEAN-a rorelna fello awmte hian cigarette dan loa sumdawnna a tichak a, IPR bawhchhiatna, chhiah hloh, enfiahna chak lo, leh eirukna tih hluarna a thlen a ni. He harsatna sutkian nan hian ram hrang hranga sum leh pai lama hmasawnna chak danah a innghat lo va, dan kengkawhnaah a innghat zawk a ni.
PMI-in dan loa sumdawnna dona atana ruahmanna a siamah hian research leh intelligence hmanga thil tih, supply chain humhim, dan kengkawhtute nena thawhhona, leh mipui hriatthiamna tihpun a ni.” PMI hian dan loa zuk leh hmuam sumdawnna dona kawngah hma a hruai a, thil pawimawh panga- enfiah & ngun taka thlir, inthlunzawmna humhalh, thawhhona, dan kengkawhtute nena thawhhona leh mipui hrilhhriatna tihpun te a ngaih pawimawh ber a ni. He pawl hian dan loa cigarette hralhna dona kawngah dan kengkawhtute nen thawhhona an nei a ni.
