PM DDKY Project tlangzarhna Siaha KVK in chhim
Vawiin khan KVK Siaha-ah Pradhan Mantri Dhan Dhanya Krishi Yojana (PM DDKY) project tlangzarhna programme live telecast thlirho a ni a. Dr H Vanlalhmuliana, Senior Scientist and Head, KVK Siaha chuan he hun hi kaihruaiin he project thiltum leh thatna kalkhawmte hnenah hrilhfiahna a nei nghal a ni.
Prime Minister Pu Narendra Modi a thusawi ngaihthlak ho niin a thusawi hi Pu Ravi Sharma, Programme Assistant (Computer Programmer) in mizo tawnga letin kalkhawmte a hrilhfiah zel a ni. Tin,Natural farming chungchang zirtirna hun Pu Isaac Lallawmkima, Subject Matter Specialist (SMS) Agronomy in a nei bawk.
He programme hi khawchhunga kuthnathawktute leh tlawmngai pawlte nen he hun hi an hmang ho a ni. Vawiin vek hian a mamawhte hnenah Thlasik thlai tiak ,tomato leh broccoli te semna an nei nghal bawk a ni.
